சூப்பர் ஸ்டாருடன் கைகோர்க்கும் சிவகார்த்திகேயன்!

சிவகார்த்திகேயன் கன்னட படத்தில் கௌரவ வேடத்தில் தோன்ற இருப்பதாக தகவல் வெளியாகியுள்ளது.

கன்னட சூப்பர் ஸ்டார் சிவராஜ்குமார் நடித்து வரும் படம் வஜ்ரகயா. ஹர்ஷா என்கிற அறிமுக இயக்குனர் இந்தப் படத்தை இயக்குகிறார். அர்ஜுன் ஜன்யா இசையமைக்கிறார். இந்நிலையில் வஜ்ரகயா படத்தில் சிவராஜ்குமார் வரும் அறிமுக பாடலில் அவருடன் இணைந்து சிவகார்த்திகேயன் நடனமாட இருக்கிறாராம்.

சிவகார்த்திகேயன் மட்டுமின்றி இந்தப் பாடலில் மலையாள நடிகர் திலீப் குமார், தெலுங்கு நடிகர் ரவி தேஜா பங்கேற்று நடனமாடப் போகிறார்களாம். ஏற்கெனவே தனுஷ், வஜ்ரகயா படத்தில் கன்னட சூப்பர் ஸ்டார் சிவராஜ்குமார் கேட்டுக்கொண்டதற்கு இணங்க பாடல் ஒன்றை பாடியிருக்கிறார் என்பது குறிப்பிடத்தக்கது.

நன்றி - தினமணி